فرید بھنڈار

دینہہ دُراڈا چڑھیا

ویلے نال ایہہ آپے نیڑے ہو ویسی

اکے1 سانُوں وگ تگ کول ایہدے اپڑنا پینائے

یا چِھک ایہنوں لاگے لیائیے

پر پلّے ایہدے نُوں ہتھ اساڈا کیویں پوے

دُبدھا2 وِچ ای ہو آتھنی3 پُجے اسیں تے

دینہہ ڈھل رات چ ہویا گُم،

رات آہندی اے

آؤ سم جاؤ4 نال مینڈے

ایہنوں تُہانوں کر نواں میں جاونی آں 5

ساودان6 رل کھیڈ ہو وَیسو

1۔ اکے= یا- 2۔ دُبدھا= دو دلیلے ہوون- 3۔ آتھنی= سارا ویلا کم کرنہار، ہول ٹائمر-

4۔ سَم جاؤ= سَوں جاؤ- 5۔ جاونی آں = جمنی آں، پیدا کرنی آں – 6۔ ساودان= ہُشیار-