آپ خیالے جاندے دا
بھوئیں وِچھی
نِکی جیہی اِک ویل تے اوہدا پیر آیا
پُھل اِک چِڑی دی چُنج تھی کُھلیا
ٹہنی اوپروں چُوہک لِفی:
''اجھکیں
سُکدیاں پُھٹدیاں نوں
ونڈیں دھیان دا پانی
رنگ واشنا اَیر وکھاون راہ تینوں
نہیں؟
چل وگی آ سجڑے کھبڑے
کِتے دوراہا اگے آن کھلو ویسی
کنڈ کریسیں جِت ول
اوہدے اُلٹے داء
مونہہ تینڈا ہو ویسی
جیہڑے اِتھوں ولا پیا لنگھنائیں
بوہڑن تینوں اُتھاں
ایہہ وی تے ہو سکدائے''