''بَھین مَکِّھیئے نی ڈَین مَکِّھیئے
کاہدے لئی تھئی ایں سُدَین مَکِّھِیئے
مند چنگ کوئی نہیں
کتھے بہنا ایں توں ایہدی تینوں سنگ کوئی نہیں
متاں ایسے گلے تیرے کول ڈنگ کوئی نہیں''
''اساں مَکِّھیاں ہاں اوہ وی مَکِّھیاں نیں
جیہناں پُھلاں دِیاں اِندریاں چکھیاں نیں
اساں اِکو کُجھ ساں اِکو کم وچ ساں
بندے آئے جدوں پاڑ ساڈا تدوں بنیا
ساڈا جوڑیا رُکھاں توں اوہناں توڑ کھڑیا
اساں آکھیا ایہہ کاس جوگی بھاج کریئے
جیہڑا راج نواں آیا اوہا کاج کریئے
کیتا ہورناں دا کھاؤ
اوہدی بو اُتے جاؤ
اساں تدوں تھیاں دو
رہیاں جنگلاں چ اوہ
اسیں ڈنگ چھڈے دھو
گئیاں بندیاں دے نال وس اِک مِک ہو''