”جو کِسے دی کیتی سانُوں دسیندی اے
اوسے دے سِر تے اوہدے نال اساڈا
سانگا کُسانگا بندا اے، نہیں؟“
”تُسیں کیہ آہندے او ایس بارے“
”بس ایہو
کیتی دا فِیتہ کِسے دی ہوند نُوں ماپن لئی نہیں کافی“
”دسّو ہور کوئی“
”مافی،
جے تُہانوں ہور کوئی لبھ جاوے تے مینوں وی دس چھڈیو“
”سہی تاں ایہو ہویائے دس تہاڈی توں
کیتی اپنی ہووے کِسے دی
اوڑک بندیائی دے لیکھے ای لگنی ہوئی،
وکھری کیتی دی گِنتر مِنتر آہر کُلیکھا اے“
”آہا، لبھیا تُساڈا پُج گیا“
”دونہاں بہہ کیتی اے“