واءساونی
لاہ لبادے بھارے
انگ چُھہا سانوں کہندی اے
”آﺅ نکلیئے لنگھ پُل
دسدے نیں اوتھے سَراں اکبر دی
’اللہ اکبر
جَل جلالہ¾‘
سُنیائے ہنگُورا ایہو سراں دا بھاڑا ہا
سراں قدیمی اے
لہندے آئے نیں لشکر
مگر سُداگر جَتھے
اکبر دا تے ناواں لگ گیائے
آئے گئے جیویں باتشاہاں دے لگ لگ لہندے رہندے نیں
دسدے نیں اوتھے باغ مقبرے
ہڈ چُورا جہانگیراں دا نُور جہاناں دا
ہو چُوری درختاں نوں لگدائے
اگلیاں جَرماں لئی،
آﺅ نکلیئے لنگھ پُل
ٹھپ درِیاں شاہ دریاں میلہ پار دا لائیے“
گھڑی ویکھ جد آہنے آں
”ذرا ویہل ہو لوے“
واءساونی
کپڑے مُڑھک1 پا
ہُسڑ بزارِیں گُم سُم ہو ویندی اے