فرید بھنڈار

''نہیں میزاں سرکار اساں پرتاونِیاں 1،

کُرسی چوا لؤ

ہور دھرا لؤ،

چوائی دھرائی آؤ،

حاضر اے چپڑاس اساڈی پُشتاں دی،

ڈِھڈاں تے مِسلاں 2 ایہہ میزاں دھرا کے

کُکھاں اندر کانِیاں 3 وگوا کے

گُھگیاں مراؤندیاں 4 آئیاں نیں،

پِچھے5

جُھگیاں ایہناں دِیاں چؤڑ تھیاں

سٹھ سٹھ مرلے فِیس محل6 گئے چڑھدے اُتے،

ہُن سِر پَرنے جے کروں ایہناں نُوں

لَت دولَتِّیں سبھ چھتاں اسمانی ایہناں

ڈھا ڈھیری کر دینیاں نیں''

1- پرتاونِیاں = اُلٹاونِیاں – 2- مِسلاں = فائلاں – 3- کانِیاں = 1) قلماں، پَین، 2) تِیر-

4- گُھگی مراؤنا= سائِن کرواونا (دستخط)- 5- پِچھے…… = دستخطاں دا سِٹا-

6- فِیس محل= کرائے دے فلیٹ (فِیس= کرایہ)-