فرید بھنڈار

بنھ کھلہار کے ساڈی کار1 نُوں

اوہناں لاہا2 کماناں کسوائیاں

کماناں بنیاں کیویں

ایہہ نہ جاتو نیں،

تندِیاں ایہناں دیاں آندراں نیں

ساڈیاں وڈیاں دِیاں

مَلّ شاہی دی کُوڑی3 وارِیں 4 گڈیاں دِیاں

ہڈ اوہناں دے کڈھ اوہناں دی کرنی چوں

رند رگڑا کے اوہناں دی آل اولاد کنوں

تن کماناں دے نپ کِھچوائے

جنگلاں جائے5 سنگلاں گِجھائے

ہستاں 6 تے چڑھ

ہِیناں کنوں مروائے ہِین

1۔ کار= کم، کرنی- 2۔ لاہا= منافع- 3۔ کُوڑی= جُھوٹھی، جعلی-

4۔ واریں = وار وِچ (وار= تاریخ، ہِسٹری)- 5۔ جائے= جمے، پیدا کیتے- 6۔ ہستاں = ہاتھیاں -