فرید بھنڈار

اساں آسراں1 جیہڑے ویلے

ناگ نیترا2 گھت پہاڑ نُوں

کر مدھانی چاٹی سمندر وِچ ڈاہیا،

رِڑک کے امرت کڈھ دھرایا،

اوہ تے چاڑھ3 دیوتے اَمرَ تھئے،

اساں مُڑھکا چٹ کے ہِک بئے دا

اپنی تونس4 ولائی5،

کھول نیترا پربت دِتا جائیں کھلہار،

جھٹ ول مُونہہ پرتا جاں تکیا

کُنج6 ناگ نے لاہی،

اکھے جاؤ کرو دیوتے سُوتر7

امرت مُوتر کڈھ وَگاون،

کُنج میری وت کرو نیترا

اپنے آپ پہاڑ مدھانی رِڑک سمُندر

امرت سارا کر دیسی،

1- آسر= کرنہارے جی- 2- نیترا= رسی جیہدے نال مدھانی رِڑکی جاندی اے-

3- چاڑھ= جھٹاپٹ پی کے- 4- تونس= پیاس- 5- ولائی= ہٹائی- 6- کُنج= سپ دی کَھل دا اُچھاڑ، سکُنج، سپکنج- 7- سُوتر= ٹھیک، جیویں ہونے چاہیدے نیں قدرت دے حساب-

چھک1 ترو تُساں

مانو جِیون سکھُپت تُرِیا

جاگرت2 سُپن اُدھارا

1- چھک= پی کے- 2- جاگرت……= نِیندر دیاں چار حالتاں نیں (1) جاگرت= جاگن-

2) سُپن= 1) سَون، 2) سُپنے ویکھن- 3) سَکُھپت= جدوں گُوڑھی نیندر وِچ کوئی سُپنا نہ ہووے-

4) تُرِیا= اوہ پُورن سُرت جیہدے وِچ ہوئی ورتی دا نتارا وی ہووے تے اگوں ست کرن دا راہ وی صاف دِسے)- 3- اُدھارا= کُھل، موکھ، چُھٹکارا، آزادی-