فرید بھنڈار

گِنت مِنت نہیں مُکدی

انکڑ سُوتر ہیرن توں اکھ نہیں اُکدی

پَل پَل ہو منکا

نہ رِشتے1 مِلک2 پرُتے3،

اِک لمحہ وی قلب نہ وِرد ورودیں رُدّھے

تاں سَکھنا ہو ویندا اے

نہیں اپنا وساہ ایہنوں رہندا

تُرت اپنے آپ نال کھیہندا اے:

''ہِک گھڑی توں ہور گذاری

اُدھار ودھاری، غرضوں عاری،

تاں کارا کوئی کُفرانی دھار توں بہنا اے

ہر نوں سکھنا اپنے ہار کرن دے آہرے لہنا اے،

پھڑ تسبی

پُھنڈ نفس نوں مَنکیو منکی

آکھے دُنیا قلب ہویا مُڑ جاری''

1- رِشتے= دھاگے وِچ-2- مِلک= مِلکیت دے-3- پرُتے= پرویا جاوے-