وگدا اے پیا رَین سرووَر
ایہدی کیہی سرھاند پُواندی
لاہ پاتے
ٹِھل پوے جو واندی
تَر تَر سُکُپت جاگے
پُج منجدھارے تُرِیا رلے
دینہہ وِچ بِرہا دھار اندھار وگاوے
1- پاتے= پائے ہوئے، پہنے ہوئے- 2- سُکُپَت= تیجی حالت (سَون ویلے سُرت چار حالتاں وِچوں لنگھدی اے، پہلی جاگرت، دُوجی سُپن، تریجی سُکُپت، چوتھی تُرِیا- جاگرت وِچوں سُپن بندا اے، اوہ نیندر جیہدے وِچ سپنے آوندے نیں - سُکُپت ہو ونجے سُپن تے سُپنے مُک ویندے نیں - سُکُپت وِچ ویہار نال لاگ مُک ویندا اے- سُکُپت وِچوں تُرِیا نِکلدی اے- کُل نال اِکائی-
خواجہ غلام فرید اِک کافی وِچ ایہہ رمزاں ورتاوندے نیں -