فرید بھنڈار

چِڑیاں تُساں اج ڈِٹھیاں نیں

ویکھو نی تُساں وگی ہنیری

تے امبِیاں 1 دے بُور جھڑ گئے،

چِڑیاں دے کھنب سالم2 نیں

اُڈ رُکھاں توں بھوئیں 3 تے ڈَھلیاں 4

امبِیاں دا چُگیونیں بُور

اُڈ چڑھ لگراں 5 تے وِٹھیاں 6 نیں

بھوئیں سانبھ گِھدے7 نیں بِیں 8

امبِیاں تھورائیت9 نیں

چِڑیاں پالنہاری دھرت دِیاں

1- امبی: انب دا رُکھ-2 -سالم: 1) ثبوتے، پُورے، 2) تندرست- 3 -بھوئیں: زمین-

4 -ڈھلَن: اُترن، لَتھَن- 5 -لگراں (جمع لگر) لگر: پتلی ٹہنی-6 -وِٹَھن: وِٹھ کرن-

7 -سانبھ گِھدے: سانبھ لئے-8 -بِیں: بی، بِیج، سِیڈ-9 -تھورائیت: تھورا (شُکریہ) کرن ہار-