جَھٹّ پاہر گھڑیاں دی گِنتر
دِناں مہینیاں ورھیاں دی
اسیں اُٹھدیاں بہندیاں پئیاں کرینیاں
کُل ویلا ہو جیہڑا پل ساڈا تن من لوے کلاوے
کِتھے دھرینیاں اوہنوں،
ایہہ دھیان نہیں کیتا کدے
اوہا پَل نہ ہووے متے
ہِک بئی وچوں اُلّر جیہڑا
واریاں جُگاں نوں ٹَھل پَرتَل جد سیون1 لگدائے
ہوئی دَبلّنی
سہج سبھا ای
تھیندی اے ہونی اُتَھلّنی
پتھراں تے اُکرے لیکھ مُونہہ تکدے رہ جاندے نیں
-1 سیون= نویں ہوند سِرجن لئی جِسم دا نِگھ دینا-