وڈیاں تیریاں
چوتھی منزلے ایہہ سَرتاک1 رکھایا اے،
کھمب لوا تے مار اُڈاری،
تیرھویں ورھے ہُن پیر اے تیرا
ایڈی ساں میں جدوں تُوں جایا ایں،
کُچھڑ کھِڈا تینوں فرش تے لاہونا،
پیراں پرنے ہوئیوں تاں پرے کھلو جانا میں
واج مار تینوں کول بُلاونا
ہٹ ہٹ پِچھے اگانہہ ٹُراونا تینوں
ڈِگن لگنا تُوں تے نس میں چُک لینا،
کچا کوٹھا اے پِچھے پِنڈ وِچ ماں میری دا
تِلک تِلک رِڑھ کچے ویڑھے
پیراں پرنے ہوئی آں،
اج خورے کیوں جی پیا کردا اے
تینوں نال سواواں،
سَرتاک جیہڑا تیریاں وڈکیاں ماریا ہویا اے
مُڈھ قدیم دا
کھولاں،
پیر تیرے ایہہ بھوئیں اپنی تے لاواں
1- سَرتاک= اُتلی منزل تے بُوہا جیہڑا باہر ول کُھلدا اے، گلی بزار ول-