سیّو نی اسیں ذات دیاں کچھو کمیاں
لیہے1 لگیاں جد وکنیاں جمیاں
پولے پیریں
دھرت سمندر گاہندیاں
نونہاں دنداں والیاں کولوں ڈِھڈ لُکاندیاں
سانوں ورھے ہزاراں ہو گئے
دِھیاں چِکڑ موری رُلیاں
دیس آپنے وچ پُتر اساڈے بن پر دیسی وتّے2
ماواں اتھرو کیرن بھُلیاں
سیّو نی اساں پندھ کُراڑے3 کچھّن4 کان
نِت پولیں پیریں ٹُرنا
اندر پولا رکھن کان اُتوں پتھر بُکل کرنی
چُنجاں کھُنڈیاں کرن لئی
پنجے کھُوچل کرن لئی
اساں نِت جیونا نِت مرنا