ادھ چیتر اج کیسوُ کِھڑیائے،
اِک پُھل چُگ ویکھاں گھاہ جَھڑیا،
پنج پتیاں نیں کیسر رتیاں
وِچ کٹوری کالی؟ ساوی؟
رنگ ہریا پرواروں رَلیائے
پوریوں کالکھ رَل گئی؟
کُھلدی تلی دیاں اُٹھدیاں اُنگلاں
کَنِیاں پنج کٹوری ویکھاں
ترے پتیاں نیں پُھل دِیاں کُھلیاں
دو ہوئیاں بند بُرخا
بُل بُرخے دے ٹوہ کھولاں
وچ کَنّ کھُجور گنڈوئیل سُنڈا
وال نیں پیر ہزاراں
سُنگڑ پسرّ سَرکے،
ویکھاں پُھل دے اندروں جِیبھ جو اُلرّ باہر پئی آوے
سِرے تے رَتیّ مَنکے
بی نیں بول نیں کوئی؟
کُجھ نیں جِیبھ سِرے تے اَٹکے
باقی کَن کھجُور گنڈوئے گھسّر بُرخے گھتے،
مینڈے ویکھدیاں سُنڈا پسّر سُنگڑ گھاہ وِچ کِریائے،
ویکھاں کٹوری چُلھّ چیتر ہے
لاٹاں کیسو پتیِاں
پُھل کُل بھوگ اکال ہے
ویکھاں
کال دے ہتھ مشال ہے