فرید بھنڈار

''کیہڑیاں پُھلاں دا بھار اساں سِر چایا اے

تے گل پایا اے ہار کیہڑا؟

کُب جیہڑا نِکل آیا اے،

لَت ہُن ویکھو کیہڑی کارے آوندی اے

اوہ وی اے جیہڑی ایتھوں پسّر بلخ بُخارے جاوندی اے

تے اوہ وی جیہڑی

گھر بہہ سُنگڑ

سدّ گوانڈھ گُھٹاوندی اے''

''کون ہا ایہہ بھاء شپیا؟

اساں کدے نہیں اگے ڈِٹھا''

''ایہہ جے آغا مَنبر1 شاہ''،

''بھمبل شاہ؟''

''اِکو ای گل اے،

1- مَنبر= 1) مَیمبر، رُکن، 2) مِنبر= اِمام مسجد دی اُچی جگہ (خُطبے واسطے)-

ویکھو کیویں، شَونکی بُرجُو

جلُوساں وِچ تُساں جانا نہ ہویا،

ایہو کڈھاوندا ایہو ولا پرتاوندا آیائے''،

''ہُن کیہ بنی سُو''

''کیہ پتہ ایہہ وی جلُوس ای ہووے''

''ساڈا تِن بندیاں دا، بھاء؟''

''اَوّل تے کلّا ہوندا کدے نہیں آغا

ہووے تاں وی جلُوس ای رہندائے''