فرید بھنڈار

''حرف کتاباں وِچ لِکھے

تے اوہا رہندے نیں جو ہوندے نیں،

جِیبھاں بولن والیاں

اوہناں نُوں فرقو فرق کریندیاں نیں،

تے اگوں کنّ سُننہارے وی

ہور دی ہور پئے سُندے نیں''

''حرف کتابی تے اکھاں پڑھنہاریاں

پہلوں ای رنگ1 رنگ کر دیندیاں نیں،

جِیبھاں کنّاں دی واری تے مگروں آوندی اے

''ست2 وت ایہو ای نِکلیا نا

وئی جو کجھ وی ہے ایس جہان تے

اوہدی سار کِسے نُوں نہیں،

نہ ای ہو سکدی اے''

''سو کچ ای سچ ہویا نا''

1- رنگ: 1) ون، کلّر، 2) قِسم-2 -ست: 1) سچ، 2) دان، 3) نچوڑ، اَیسنس-