اِک کھبّے نیتی کمیر1 دی گل لتّھے وزیراعظم نال
(دونویں جیل پئے بھوگدے نیں)
''کُرسی رکھ گئے سو،
آکھ کے راکھے نُوں
ویکھیں مکھی نہ بیٹھے،
راکھا آپوں آ بیٹھا
وِچوں ہسدا
’مکھی نہیں میں بہن دینی‘،
آکھا اوہدا فرمان ہویا
پھڑ کے تُہانوں اندر اوہنے کر دِتا،
پئے اُڈیکدے او ہُن
لاہ کوئی اوہنوں
ایتھوں کڈھ بہالے تُہانوں مُڑ کُرسی''،
''لاہیا اوہنوں جیہنے اوہ آپ نہ بہہ ویسی؟''
''کاہدی جے ہور اُڈیک؟''
''اوسے دی
جِس دے ڈر توں میں تُہانوں سبھ نُوں اندر کیتا،
کُرسی مُودھی مار کے ستیا خلق دی ست ہو جاوے''
''کیہدا''
''اساڈا ساریاں دا''
1- نیتی کمیر= سیاسی ورکر-