''پڑھدیاں ہوون اخباراں بہاراں
تاں تُرت بیان نہ آوے
اوہناں دا:
''اساں کوئی نہیں آکھیا
مینہہ اج شامِیں پَینا اے،
واء چوں دُھواں دُھند
تے چُوسن اوہا ای
جیہناں ایہہ دُھمایا اے،
ساہ لَین دی
اوہناں دی صلاح تے نہیں پئی بندی
ویلا جہانوں جاون دا اوہناں تے آیا اے''
''گل تے ٹھیک اے تُہاڈی
پِنڈاں تھاواں دِیاں رہن والِیاں ایہہ بہاراں 1
اخباراں ایہناں کیہ کرنیاں نیں
اوہناں نُوں بال کے
چُلھیاں وِچ ایہہ ڈاہوندیاں ہوئیاں''
1- بہاراں (جمع بہار): موسم، رُت-