”پُٹھ اوہدی چوں پُھٹدا کیہ اے
تے کیوں
ایہہ سُنجانن لئی تے مُٹھ اوہدی کھولنی بندی آہی
اوہ تُسیں کیویں کریندے
لِکھت اوہدی دی صِفت کوئی تُسیں تک کے
ہتھ اوہدے تے دھر دِتا،
ہتھ تہاڈے اَیر اُتھاں مہر دا جیہڑا چھوڑیا اے
اوہ تے وَیر دا تیل ہو کے
بھولیاں متھیاں تے ٹِکہ جا لگنا اے
اوہدا تُسیں کیہ کر سکدے او“
”بھلا کیتا تُساں ہتھ مھاڑا اوتھوں چوایا
ایہدے نال وی لگ لبیڑ کوئی خبرے آئی ہووے
اوہدا کیہ کرئیے“
”واء پانی وِچ ہتھ نُوں نِرتو
بھاء نِرت دے
ایر وَیر دے دھو دیسن“