مُونہہ تے اوہدے مسکار جیہی رہندی اے
جیویں موج وچ ہووے، اِک دن کہندی اے:
''دُکھاں بدّھی فِکراں کھادی
گھر چھڈ تہاڈے آئی آں
بچیاں دی سَوکھ لئی
اوہناں نوں اوکھیاں کر کے
پڑھی ہوئی آں
ایف اے چھڈنا پیا
رشتہ مِل گیا، ماپیاں لاہیا بھار
پنجابی لئی ہوئی سی پڑھ لینی آں
کیہ تُسیں لِکھدے رہندے او
کوئی ہے تے نسخہ لِکھو اوہناں دیاں درداں دا،
جیہڑے رہے اُرار نہ پار
جو میں کرنی آں
بھانڈے مانجھ دِتے، بوہکر پھیر چھڈی
جے پیندائے وچ پا لئو میرا حِصہ کر کے''