ماسی وِیرو دی گل
اِک واری کیہ ہویا
چروکی گل اے
بیوی صاحب نے مَرچاں لال منگا پُوائیاں ڈھیر ساریاں اندر
لوڑھی لگ گئی
کالی کالی نِکی نِکی جیہی کیڑی اے مرچاں چٹ جاندی اے وِچوں
لفافہ رہ جاندائے
آپ چکی تے بیٹھو
سیر کو پِیھ لؤ
مُٹھ وِچ پاؤ لُون چھان کے ادھ مُٹھ نالے ہلدی
لپ سرہوں دا تیل رلاؤ
دَھر تلیاں تے مَل لؤ
سال سال پئیاں رہنیاں مَرچاں نیڑے نہ لوڑھی لگنی
پوٹا کڈھنیاں اندروں
ادرک لسّن گنڈا دھنیا کُٹ کے نال رلا لینا
ہانڈی ہو جانی
ہُن تے زمانہ ہور ہو گیائے
مَرچاں باہروں ای مَرچاں نیں
لوڑھی وِچ وڑ کرنا کیہ اے
اوہنوں ہور بتھیرے کم نیں
پر کیہ پتہ
لوڑھی وی اج دی مَرچ مطابق باہروں ای لوڑھی ہووے