پہاڑ دے اُپروں مائی پئی مارے کڑکے
رُڑھ جائیں وچھّی کیوں نہیوں موڑدی
راہکارے ایہنوں بُن چاکھڑ
گھر چا بنھ ایہنوں سسّو نوں
مہاڑی پیلی کیوں پئی لوہنی ایں اونترئیے
اَدّھ وِچکار کھلوتی بالڑی وچھّی کولوں ادّھی
مائی کُوکے تے سوٹی اُگھرے
اُکھڑ اُکھڑ رو پوے جدوں وچھّی اگوں شوُکے
کول کھلوتیاں ہانی مُنڈیاں کُڑیاں اگے ننگی
کیویں آکھے"آئی جے آجا"
ہیٹھ پہاڑ دے اسیں کھلوتے کار روک کے
اوہدیاں ہانیاں وانگر بِٹ بِٹ پئے تماشہ تکئیے
پر شُکر اے سانوں ناں نہیں سی اوہدا آوندا
جِدھر نوں اسیں جاندے ساں پئے
اوہ رستہ اوہدے گھر وَل نہیں سی جاندا