سمندر ہوراں دا
جدوں دا سُنیائے میں کہ بُڈھڑے تھی گئے نیں
جی نِت پیا کیتائے اک پل اسیں نہ اوہا ایہناں نال کرئیے
جیہڑی سدا اساں نال کیتی نیں:
نہ دے روہ وِچ تپ اُٹھئیے
چھڈ پہرہ قبضہ
سیک سِنھ کِھنڈ سار سُنجاں وِچ سرئیے
ہاں دی ہار نوں چُم ٹھرئیے
جُڑ ترُٹدے ترُٹ جُڑدے ٹھار ونڈیندے
سمندر ہوراں دے ڈَھل تھکے وجود دے اندر لائیے چھوہ پار دی
جدوں دا سُنیائے نہیں ایہناں دا روح راضی
جی کیتائے تن گال میل کے ہوئیے نہ اِک پل پانی
بھن برونہاں ایہناں دِیاں
اِک پل دا سنیہڑا اوہا ایہناں نوں دئیے نہ
جیہڑا آد جُگادوں ایہناں اسانوں دِتائے سنجھ سویرے
تے اساں لِتا کوئی نہیں