جوگ ویس وِچ سُنیائے سُنجانن ہوندائے اوکھیرا
عاشقاں لئی وی ہک بئے نوں
ایہا اوکھت کھیڈ کھڈائی اے وارث شاہ دمودر وی،
جوگ ہا کوئی دیس متاں
ملّ واہر جیہڑے چگھ ہِین پردیسی کیتے
جُگ ڈھونڈن اُتھ دھائے،
اوسے دیس پا پھیری سینگِیاں ہیر دِیاں
دھر سر ہتھاں تے ہوئیاں جوگناں،
جد ٹُکر پِنن کھپر گِھن آئیاں نوں ایتھوں
کر پروفیسر موڑیا اودھر گیا
یونیورسٹیاں اوتھے کُھلیاں
وظیفے ڈِھیون لگے
تاں جوگ دیس پردیس ہویا
رانجھن ونج اوتھے ہِک تک نال لاہ گواندے نیں
ڈِگریاں ناتھ پروفیسراں دیاں -
ایتھے پرت کے جوگ ویس وِچ
بُھلن دا سانگ کھیڈیندے عاشق ویکھنہاراں نوں
ایس پردیس نوں دیس کرن دا آہر سُجھاندے نیں