''ایہہ ویکھ ہتھ میرے''
''ایہہ تیرے ای نیں؟''
''ہور کیہدے نیں، تیرے؟''
''نہ تیرے نیں تیرے، نہ میرے میرے نیں
اوہناں دے نیں جیہناں دا کم پئے کردے نیں''
''کوٹھی والیاں دے،
اوہناں دے ہتھ اوہناں دے ای نیں؟''
''کم تے اوہ وی اپنا تے نہیں پئے کردے''
''ہور کیہدا''
''سرکار دا، جیہڑی آوے اپنی کر کے لیاوندے نیں''
''کردی اے راکھی مال منال دی
حُکم حکومت، ڈکم ڈکُو مت''
''سو ہتھ کوئی کِسے دے وی نہ ہوئے،
ٹُنڈ مُنڈ ہے جگ سارا؟''
''ہتھ کِتوں جے مِلدے نیں تے لنڈے بزاروں ای مِلدے نیں''