فرید بھنڈار

‘‘سلامالیکم سَر کیا پڑھتے ہیں؟ کوئی ناول؟

ہمیں بھی کُچھ بتا دیں پڑھ لیں ہم بھی

کتنا وقت گنوایا، اب چل پھر نہیں سکتے

پڑھ تو سکتے ہیں پڑھنا چاہیئے’’

مُڑ کے تکناں 

وگنی کُرسی، وال بدامی، دوال کناری دَھولے

اکھیاں ڈھونڈدیاں

عمر پنجاہ پنجتالی ہوسی

گھٹ ای ہووے خبرے

دو نوکرانیاں

اک کُرسی نوں پھڑی کھلوتی دوجی تولیہ بوتل پانی

میں کتاب اگانہہ کر دتی

‘‘لَیٹن امیریکن ریولُوشنری پوئیٹری۔۔۔۔۔

کبھی پڑھے تھے میرغالب۔۔ اقبال۔۔ ورڈزورتھ۔۔ ایلیٹ۔۔۔ 

اب تو نام بھی اُن کے غیر سے لگتے ہیں۔۔۔۔۔

یہ کیا لوگ ہیں؟’’

‘‘ایہہ ذرا کُجھ ہور جیہے نیں’’

اِکدم اگے اُلر کے اصلوں کول ہوئی اوہ

‘‘کوئی تعویز ہے ایہناں کول، میں گھول کے پیواں؟’’

نہ غُصہ نہ شوخی مونہہ تے، کَن وچ آہندی اے

‘‘ہے تے دسو نا مر جاواں تے مُڑ کے جیواں’’

پِچھوں کُرسی جھٹکے نال مُڑی

مینوں چُپ تکدے نوں موڑ کتاب اوہ جاندی بولی

‘‘پڑھیئے سَر

خواہ مخواہ ڈِسٹرب کیا ہے

پڑھ تو سکتے ہیں،پڑھنا چاہیئے اپنا اپنا’’