جَیں تینوں جان بُھلایا
مِل کے مِلن گُھسایا
اوہ مینڈے اندر بیٹھا
مینوں جیون ول سکھاون دا
پوڑی پوڑی چاڑھ کے اُچی جائیں سانبھ بٹھاون دا
اوکھا سوکھا آہر کرن وِچ جُٹیا پیائے،
مینڈے نال نہیں جمیا
جُگاں پُرانا رُوح ہے
تُھڑ جَھوں چوں پُھٹ پُنگریا
یا ودھ کیتی دی سانبھ سنبھال لئی ایدھروں پَٹیا
اودھر لایا
جِتنا گَھسیا اوتنا کَسیا
نِت جنج چاڑھدا گھر گھر وسیا
ہَر دا جوڑا بن وت جمدائے
مینڈے نال وی جمیا
تینوں ونجا میں ایہنوں پچھاتا
تاں جاتا
ایہنوں گواون دا کم ای تینوں پاون دا دم ہے
1 - اُتھلیار: اِنقلابی- 2 - بَوہڑ: مُڑ کے رَلن-