راتیں جاگے
بنھ مورچے رَلے سویرے
واہی ساڈی قبضہ اساں نہیں دینا
اِک دِل آئی میرے
آپو اپنے مَل لینے نیں کِلّے اوڑک ایہناں
ذات مراسی پُترا
چک واجا چل شہر نوں لوڑیں بال بچے دا کھاجا
جاندا جاندا مورچیاں ول مُڑیاں میں سبھیارے
سہج سبھا ای گاون جوڑ سُناون بیٹھاں مُڑ نہیں اُٹھیا
‘‘چاک اساں ہاں تیرے
چُوچک کھیڑے کیدو قاضی
لگن نہیں دینے نیڑے’’
پُلس آئی
اساں نہ ہَلّے
گولی چلی
چک واجا سِر ماریا میرے
ڈانگاں ٹُھڈے
پسلِیاں بھجِیاں
ہوش آئی تاں ویکھاں واجا
پاٹا پکھا ترُٹِیاں تاراں
آکھے ‘‘خیر مہر اے مولا
دوئے اِک سُر ہاں’’