لان دے اندر کُرسی ڈَٹھی کُرسی ہیٹھ سی بھون
جُوج مُجوج دے کم نیں وکھرے نہ جاگن نہ سون
جوج مجوج دی کُھلّی بھرتی لگ گیا میرا ناواں
بھریاں ٹِنڈاں کُھوہ وِچ ڈُلھیاںکیہڑا کون سداواں
کالے پانی کھور کھلارے
دِن جیہڑے اِک اِک کرکے جوڑے
میلے اندر ہوگیا ہَلّا
وِچ چَونہہ ورھیاں دا بال کِسے دا "نام سَین" کوئی کلّا
اُڈ گئے کھنڈ دے طوطے چِڑیاں
نَٹھ گئے کاٹھ دے گھوڑے
ہُن کیہڑا جُھوٹا جُھوٹ کے آکھاں
ہُوٹے مائیاں امب پکے خربوزے