28 - جیوندے جِیئاں نوں کھاون کیتے

جیوندے جِیئاں نوں کھاون کیتے

جنے جدوکے ہوئے شکاری

تدوکِیاں اَس جنِیاں گھر بجِھیاں،

مارن پاڑن آہر اوہناں دا

گال پکاون کار اساڈی تھئی،

وِرل وڈیری ہوندی گئی،

گھنیرے ہوندے گئے

گھر ولگن دے ول

نالو نال ای گَھن پرتے

تھیندے آئے تیرو میری بھیت،

ہر نُوں غیر کر مار مُکاون

رن کنوں رِنھوا کھاون

نَر دا تِھیا سُچیت،

اَس جنیاں اَدِھین

جِتنیاں بے وس تھیندیاں گئیاں 

نر اُسار نُوں اصلوں ڈھاون دی تانگھ

اوتنی اندر ڈونگھی ڈھلدی

ہوئی اتھاہ یقین اچیت