]لاکھی پنجاں ستاں دا ہونائے- میئیں ہوراں کول پڑھنے پایا ہویائے ماپیاں - اج نسدا آیائے مسیتے- پنج مُنڈے ہور وی بیٹھے پڑھدے نیں [
لاکھی: میاں جی ساڈے گھر سَن لگ گئی اے جی
میاں جی: (لاکھی دا کن پھڑ کے دو چنڈاں) ہُن دس، کیہ لگ گئی اے تہاڈے گھر؟
لاکھی: سَن میاں جی
میاں جی: (دو چنڈاں ہور) آکھ اوئے ''سنّھ'' (لاکھی چُپ اے)
(گِچیوں نپ کے) ہُن گُنگا بن گیا جے- بول، کیہ لگ گئی اے گھر تہاڈے
لاکھی: اوہ تے ہُن کڈھ کے لے وی گئے ہوسن جو گھر وِچ ہے
میاں جی: کیہ لا کے
لاکھی: اوہو میاں جی
میاں جی: کیہ
لاکھی: جیہڑی تُسیں آہندے او ٹھیک اے