”کاہنوں لنگھ گِیوں چُپ گڑُپ تُدھ کال بُوتھیا کولوں“
”کیہ کریندا میں دس“
”جِنا غلط جاپیا تینوں کارا
آکھ دیندوں کَھل دو پَل“
”ہُن آکھ دیاں تینوں
اصلوں غلط تُدھ آکھیائے مینوں کال بُوتِھیا،
میچ نا رنگ اپنا مینڈے نال
کال بُوتِھیا تَیں ہویا کہ میں؟“
”بھلی کیتی او آکھ دِتا ای ایہہ
رنگ تینڈا میں کالا نہ ہا گِنیا
کال تینوں پتہ ای اے
نشان نابری دا اے“
”آہو، پر تریمتی“
”میں جنی جنے وِچ بھیت نہیں ویہندا
کارا سچّا جاچ“
”جیویں، کر دِتو ای اُدھار قدیمی جکڑوں“