ٹرک پھسی کھلوتائے
کدھر کڈھے ساری ٹریفک جام اے
ایتھے آونا ای یَب اے
راوی پار تے کرنی ہوئی
ایکسیڈنٹ اے اگے کوئی
بندہ چڑھیا ہویائے کوئی کھمبے اُتے کہندا نہیں پیا
تاراں پھڑی کھلوتائے
تماشا کردائے پیا؟
کردا وی کُجھ نہیں لہندا وی نہیں
ایہو تماشائے اجکل
شوٹنگ نہیں؟
کوئی لائٹ کیمرے ہوون لوکیں لوکیں نیں
وٹے مارن ہیٹھوں
تماش بین نیں لوکیں
کاروبار جوں کوئی نہیں اجکل
نوکریاں وی کوئی نہیں
آہندے نیں خورے نعرہ مارے
خورے چھال مار دئے
پچھانہہ موڑ لؤ
ہن مُڑ وی نہیں سکدے
پُلس آلا کوئی ویکھو
بھیڑ ویکھ کے اجکل لُک جاندے نیں بھیڑ وچ ای
قصہ ہور ای نکلیائے- رات دا چمبڑیا ہویائے بجلی والا
لاہون والے نہیں آوندے
فون کرو کوئی
فون وی ہوئے نیں
جھگڑا پیا ہویائے کوئی کیہنے لاہونائے
بجلی بند کرن تے آپے ڈھے پئے
لیگل مسئلہ اے
حد ہو گئی اے- مردہ ٹریفک ڈکی کھلوتائے ایہہ نہیں لیگل مسئلہ