''پھڑ کُنجیاں تے جندرے کھول''
''لؤ
اندر تے ایہہ نیں اصلوں خالی''
''کیہ دسیئے تینوں کالھے نُوں
ایہہ خالہ خال ای ڈکی آہی ایتھے ساڈیاں وڈکڑیاں''
''اوہ کیوں''
''ہوئی انج ہونی
نِکلے اوہ درس دیون خلقت نُوں اللہ والے
رل کرن رل کھاون رل گاون دا،
باتشہاں ولوں آیا تھاپڑا
ہے جاگیر ایہہ چِمٹا سونے دا ہِیرے جڑیا
چُلھ وگا رل کھاؤ وجا رل گاؤ،
سپنی خالہ خال ایہہ چِمٹا پھڑن نہ دئے
اُوں ہُوں دی شُوکر اندروں پئے
گھر پُرانے ڈک ایہنوں وڈیاں
مارے جندرے باہروں
ورھے دے ورھے پُرانے لاہ کے چاڑھے نویں،
ایہو اساں وی پئے کرنے آں دوئے بھرا
میں تے پیو تیرا،
ایہو ای اگوں تُوں وی کرنائے، آل اولاد تیری وی،
لِتا ای بھال خزانہ؟
ہوئی آ تسَلّا؟
ڈاہ مُصَلّا پڑھ شُکرانہ