''نُورئیے فتُورئیے
گنڈھ دِئیے پُورئیے
کِدھر گئی سیں ایم فِل کر کے
پی ایچ ڈی ہو آئی ایں؟''
''بھاء تُسیں آپ تے گھلیا مینوں
ماسی سجان پور کول''
''سنگِیاں تیرِیاں بِل بتَوڑِیاں پِھینیاں ناساں چَوڑِیاں
کل کیس کرن آ گئیاں سن نی میرے تے
کِتھے کڈھی جے نُوری ساڈی کستوری
میں آکھیا خبرے مگر گئی سائیں رکھے دے
مُلک ہور کِسے اپڑ گئی اے پچُھو''
''مِل آئی آں
آوندیاں نیں پئیاں
کُٹ چُورما بھاء چڑھاون تھڑے تہاڈے تے''
''کیہ کَھس آندا ای سُجان پوروں''
''اپنا آپ کُھہا آئی آں،
ماسی سُجان پور لَے پھری
دریا پہاڑ تھلیں،
ٹپریاں چار جِتھے وی آئیاں
ماسی نوں رکھیائے دِن نوں رات کر اوہناں،
عجب دھمالاں گاون عجائب،
سُناواں؟''
''گا کے''
''دِتا وچن تینوں اساں نبھاونائے
کُھوہ سُجان پور چھوڑ جیہڑا تُوں آئی ایں
گال کے تھل وِچ
تینوں گُھٹ پیاونا اے''
''لاء تے گُھٹ تُوں وی آئی ایں فتُورئیے
تھل دے کُھوہ اَن کھٹے دا
ویکھنے آں ایہہ شہر تیرے نال ہُن کیہ کردائے''
''میں ایہدے نال کیہ کرنی آں بھاء شپیا
ویکھ لِیو جے ویہل ہووے تاں''