فرید بھنڈار

دسو ملک جی

دِل تے بہُوں کریندا اے

اونویں کرئیے

جیویں حضرت خواجہ صاحب فرما گئے نیں

’الف ہکو ہم بس وے میاں جی‘،

پر نہیں کتاباں مگروں لہندیاں

کیہڑی زبان ہُن رہ گئی اے

عربی فارسی تُرکی ہِندو پاکستانی

فرنچ سپینِش جرمن اِٹالیئن چائنیز رشِین جَیپانیز

کیہڑی لائبریری اے دُنیا دی جیہڑی میں نہیں پھرولی

گھر تے اپنے لہور کراچی کُتب کتیبی بھر1 نیں

ہُن سبھ آن کتاباں فونِیں 2 بہہ گئیاں نیں

نہ سرے ایہہ اکھوں اِک پل پرے

تے بندہ کیہ کرے

1- بھر: 1) بھرے ہوئے، 2) بہتات، بھرپُورتا- 2- فونِیں: فون وِچ-