فرید بھنڈار

جِس ویلے ونڈ1 پُوری ہو گئی اے

بٹالہ ہندوستان دے حِصے آ گیا اے

اسیں نِکلے آں بس کرا کے،

امرتسر دے نیڑے

بھریا ٹرک لوتھاں 2 دا جاندا تکیا اے،

ساڈے اِک بزرگ بس اگانہہ کرا کے

پچُھیائے ٹرک ڈرائیور نُوں،

''ایہہ کون سن، ہندو کہ مسلمان؟''

''اوہ وی تے اوہ وی،

بے وس بھُکھے ننگے''

''تے تُسیں کون او؟ کِتھے لے کے جاندے او پئے''

''ایہناں وِچوں ای آں

اسیں وی، کون کوئی

اوتھے ای کھڑنے آں پئے

جِتھے آپ وی جانا اے

1- ونڈ: تقسیم، پارٹِیشن- 2- لوتھ: لاش-