فرید بھنڈار

جِس ویلے

بھاج پئی اے سن سنتالی والی

سیّاں میریاں لاڈلِیاں

تریوے اودے رہ گیاں

سُنِیرو رمنو پت رتنی،

اساں کھیڈیاں اِکٹھیاں

گئیاں سکُولے

کالج اِکٹھیاں آئیاں

چَونہاں کِھجا رُسا وڈیاں نُوں

اِکو ای مضمون چُنے گِھنے

وار1 اَتے سلیکھ2،

بھاجڑ پئی تے بَوڈر تے اسیں مِلیاں چارے

ایہو صلاح بنی

ہُن روون دھوون کِس کارے

اوہا کرینیاں جیہڑی اَننتر3 میل کراوے ساڈا،

اوس دِن توں لاء ہُن تائیں

جُٹیاں پئیاں ہاں

تَناں چوں ہُونجن ملّ دی لسّ4 نُوں

جَیں دیاں چَس واناں5

پُجاون6 واتے

قبراں سمادھاں7 آپنیاں

لوک دی سُرت ادُھوری8

تے سن سنتالی والے پاڑ ورتائے

1- وار= تاریخ، ہسٹری- 2- سلیکھ= ادب، لِٹریچر- 3- اننتر= لگاتار، ان مُکنا-

4- لَس= لالچ، ہوس- 5- چس وان= جیہناں نوں چَس ہے (چَس= مزا، سواد)-

6- پُجاون= پُوجاون، پُوجا کراون- 7- سمادھ= مڑھی-

8- ادُھوری= ادُھوری کر دِتی (ادُھورن= ادُھورا کرن)-