''اِتھاں کِھلرے پئے نیں اگے ای ڈکرے بتھیرے
تُساں کیہڑی ہنیری آن وگاونی اے
جیہنے ڈکریاں نُوں چُورا کر اُڈاؤنا اے
تے پَیراں ہیٹھ کوئی کُولی دری وچھاؤنی اے''
''ڈکرے کاہدے نیں
تے کِیکن کِھلر ایہہ گئے
اسیں بارِیاں اگے بہہ پئے باہر جھاکنے آں''
''تے ہور کیہ کرئیے''
''کھولِیئے نا بارے جو آپے مارے نیں،
بھانڈے جیہڑے بھج گئے
اوہ جوڑ بن آون،
اتے سُنِیوَن کنّاں نُوں
جِبھاں انَنتَر نِرت پئیاں جو گاون''