اُچا چَوڑا محل مکان
ویکھیئے ڈھل نینہہ ایہدی،
نینہہ دوالے مِٹی آکھے
ایہہ پک میں کچ
پچُھو ایہنوں جے کچ کُچھڑوں لہہ
پِیڈے پیریں اپنے کھلوندا کیوں نہیں
روون ہاکا ہاسا ہسدائے:
''دائیاں مائیں تے نہیں ہوندیاں
گائِیں ہار چُنگھا تھن اپنے
مالک پالدیاں نیں
ونڈ چاکرا کھا
اَجِیون جالدیاں نیں''
پچُھاں مُسک تینڈی ہنج سِنّھی کیوں اے،
آہندا اے سچیئے
اولھ تینڈی وِچ گل جو اپنی پیا کریناں،
میں مکان نہیں
مَلّ وکھان ہاں
چڑھیا کیہڑیاں سَوڑاں لُکاون
دِھنگ دُکان ہاں ایس ویلے،
مَلّ سُک ونجے نِینہہ مینڈی چوں
سبھ سانجھا ہو ونجھلی دھاراں
تینوں سُناواں
ہِیر اَہِیر1 کراں
1- اَہِیر= گوپ، گوالا-