اسیں نِکیاں ہوندیاں توں
سار ہور تے چھال ہور کر ویہندے آئے
سار ہی چھال ہے
اپنے آپ نوں کپڑا بن کے پیندی
لہہ پیندی پے لہندی
اج ویڑھے لگی پھاگ اساں سمجھایا اے،
گھر پُرانے اندر لگی اسیں ویہندے آئے
کِسے لائی کہ آپے لگ گئی
سانوں خبر نہیں،
گھر ونڈیج جد ڈھٹھا پُرانا
اساں نواں پوایا گھر تاں ویڑھے آن وڑی
ناں پھاگوں انجیر کرایا
ہُن انجیروں فِگ ہوون تے آئی اے
نویاں ہویاں نال نویں ہوون لئی
پر تن تے لگے پُرانے پھٹ نوں ٹاکی نہینس لوائی
پھٹ نوں تاکی کر پئی اندروں ویہندی
باہروں دِسدی اے