ہٹی اُتے پئیاں نیں ڈھیلیاں لُون نِیاں،
لنگھنی آں جاں
پچُھن تے جی آیا اے
کِتھوں ایہہ لالی اندر تُساں نے لتھی؟
ہوئی آں نیڑے
کن سن وِچ اوہ آکھنِیاں نیں:
بھن تروڑ کر سَودا اساں کی
دھریو نیں اِتَھے،
اساں تے ہوئیاں پانی
سری جُگاں نی سار ست سروورنی
ہو لالی اساں نے ہِردے وِچ رچی
کھور پیاون جِیئاں کی اَس آئیاں ہاں
لُوں لُوں وِچ لہہ جُلے لالی
کُل ہوون نی چَس چکھاوے ہر ہر کی
کارنا اساں نا اے
نہیں ہٹی واناں کی اُگھ سُگھ کائی
ہو ونجے تاں ویچن سی انکاری تھی
وت ٹھوک اساں کی وِچ پہاڑیں آون