پنج ست جنِیاں دی ڈھانی
لنگھدی اے وِچوں بزاراں
نہ سنگدی نہ منگدی
ٹُر جاندی اے گاوندی ہر واری گاون نویلا،
گنویو نیں ایس واری:
کرت تُہاڈی مَلّ راج کڈھ ورتی
تے جاتا تُہاڈی مام1 سُکائِیوس
ہُن تُساں نابر ہونا ای کوئی نہیں،
اندروں تُہانُوں واج پئی
گھوٹواں کلام پِیؤ
جھوکِیں2 گُھٹی
سانجھ اَچیتِیں پُنی چھنی
لؤ مام پِیو
1 - مام= کرنہاراں دی گُجھی سکت نابری دی- 2- جھوکِیں= جھوک وِچ (جھوک= جھوک عنایت)-