وِنگا چِبھا نہ آکھو اوہنوں
ایہہ تے محاورے بازی ہوئی نا
چِبھ تے پے ای جاندے نیں
گھالکاں 1 نُوں ویلے نال
وِنگے تے وِنگ سنگ لنگھدے
چِبھ ولا جاندے نیں،
وِنگ لِنگ جو ہویا مالکاں دا
اوسے نال اوہ
لاہے دا گھیرا خُدائی نُوں پا جاندے نیں
وِنگا چِبھا نہ آکھو اوہنوں
اوہ تے سِدھا سار اے
اوتنی ہَول2 اے سُکھ دی ہولی3
جِتنا حق4 واہل5 دا اوہدے سِر تے بھارا
1- گھالک: محنتی، پورھیت- 2- ہَول: ہَولا پن، ہولے ہوون دی حالت- 3- ہولی: رنگ سٹ کے اِک دُوجے تے خوشی مناون دا تہوار- 4- حق: 1) سچ، 2) گھالکاں دا حق- 5- واہل: ذمے واری-