فرید بھنڈار

دلِدّر جیہنوں آہندے او

اوہ تے پوکھا ہے ملوانی موہریاں دا

گُڑھتی اوہدی ہر جائے جی دے اندر لہائی جاندی اے

فیکٹریاں ہُن پُورے جگ تے لگ گئیں نیں

گھر گھر نُوں سپلائی اوہدی پُجدی رَہندی اے،

دمو دم تقریراں تحریراں چھپ چھپ

سوچ سُرت تے وِچھدِیاں نیں

دلِدّر پکا کرن لئی،

اوہدے کچّا پکّا ہوون دی ٹوکا ٹوکی ہی سیاست ہے

کیونجو اوہ نہ ہووے تے کیہی ریاست ہے

دلِدّر= 1) غریبی، مُفلسی، 2) آہلکس، ڈِھل، سُستی، 3) نحُوست-  پوکھا= ورثہ، ہَیرٹیج-

مل وانی= امیری، دولت مندی-  موہری= آگو-  تقریر= بولی ہوئی-  تحریر= لِکھت-

ٹوکا ٹوکی= بحث جھگڑا-  ریاست= سٹیٹ، مُلک-