فرید بھنڈار

جُمعے دے جُمعے

سوَختے

آ اوہ گبھرُو

نوِیوں نوِیں سُنیندا اے

دسیندا اے اپنی ورتی کر کے،

جدوکا ایس شہر وِچ

جھوتا1 اے اپنا کاروپار شریعی

جُمعے دے جُمعے

مِلن دا اسانُوں

دھار گِھدا2 اے اوہنے فریضہ3،

سہنسا4 تھیا اسانُوں

ایہہ اساڈے

کِسے مہاڈی5 ونجک6 دا مُخبر نہ ہووے

1- جھوتا: شروع کیتا- 2- دھار گِھدا: اپنا لیا- 3- فریضہ: فرض- 4- سہنسا: 1) شک، 2) خدشہ-

5- مہاڈی: مقابلے باز- 6- ونجک: وپاری-

ایسے پاروں

دیہاڑ مبارک جُمعے شریف دا

چُنیا اے ایہنے

سو اساں آکھیا بھائی جی

ساہمنی مسِیتے پڑھ کے جُمعہ مبارک

اساڈے ول تُسیں آیا کرو

اُتھاں آیاں کار وپاریاں دی وی

اسانُوں سُنایا کرو،

اوہ دِن لاء

ہُن تائیں پھیرا اوس نہیں پایا