توں نِت نیڑے رہو
ہیں کوئی جہان اَن ہویا
منیا، سَر پر ہوسیں
ہیں کِریا بیں رتوکا
ساڈے پگھر وَتر نال کدائیں کِھڑ پوسیں
توں نِت نیڑے رہو
ناں تینڈا وائیں رَلیا
اج کیہڑیاں کَناں نال سنیئے
اگم سمندر چوں
کیہڑیاں اکھاں نال اِک بُلبلہ نینہہ نشانی پُنیئے
توں نِت نیڑے رہو
اج وہماں دی دَھمکار نوں کیہڑی آسے
اتھراں دی دھونی دئیے
سکھنیاں اکھراں دی
اِکواسی گھمکار نوں سُردے نقش پِوائیے گھول دلاسے کیہڑے
توں نِت نیڑے رہو