نیاں تے خلق دا ٹُکر ہویا
صبرکتا1، کدیں تُھڑیا
کدے سوادی، کدے بک بکا،
ہووے جدوں سنجُوڑا تاں بُھکھ پے جاندی اے،
ٹُکر مندا ویکھ تسَلّا ہو ویندی اے ماندی،
مندا نیاں سٹ پاون جوگا ای ہویا
گُدھا سار بِنا
لایا باجھ پرِیتی،
وِچوں کچّا باہروں رُڑیا
بیہا کویلے جُڑیا،
روٹی چنگی ہووے تے چوکھی
دال سلُونا نال جیہا وی ہووے خیر اے،
ستیا نیاں دی روٹی دتی
ہور وی کرم کما سکدی اے
1- صبرکتا= رجواں، جِتنی لوڑ اے-
جِس توں صبرکت ڈھیر سرے،
ٹُکر نیاں دا روز دیہاڑی لوڑیدا اے
بعضے ویلے دینہہ وِچ کئیں واری،
جُڑے تے فجروں سنجھ تائیں
کم آپ انند ہو جاوے،
ویلا اوکھا ہووے جاں سوکھا
خلق نُوں لوڑ ہوندی ہے
رجوِیں نِیائیں روٹی دی،
خلق دے بھانے ٹُکر نیاں کوئی دو نہیں ہوندے
واری جِس ویلے آوے خُدائی دی
دوہاں نُوں اِک کر لاوندی اے،
واری اپنی آپ لیاوندی اے