میں کال ہاں
جدوکے نر پردھان ہوئے مل وان
کرنہاراں دی کیتی دے کنت
میں رنگ رنگ ویس وٹاء ایہناں دی بُکل چور بنی
اندروں بھیت سیان ایہناں دا بھانڈا موہندا کرنا
مینڈا انت ہویا،
نَیں کندھیاں تے بھوئیں ونڈ مَل کے
کر ہیناں نوں راہک سیپی
ایہناں چودھر وسوں دی سانبھی
میں کرنہاراں نوں رِنھ کھوایا فقر ویہر دا ساگ
ایہہ پچاؤ
آؤ سانجھی کرنی نوں
وت کرئیے جگت دا بھگت بھاگ،
مُڑ ویلا ہور آیا
زمیناں مِلّاں ہوئیاں
بھوئیں والاں دی کُرسی اُتے راس وال آ بیٹھے
دھوں دوانکھ منائی اوہناں
ہویا وران اسمان،
پیا جگت وِچ شور
نپ بنھ مینوں مارن دے
حیلے وسیلے کر کر کملے ہوئے
بُکل اندروں ہتھ اوہناں دے چور دا بھیت نہ پایا